Masarautar Zazzau- yarima Mannir ko Ahmad Bamalli?

 Sarautar Zazzau: Makusancin Buhari, Yerima Mannir ne ko Amini kuma Ɗan uwan El-Rufai, Ahmed Bamalli?

Masarautar Zazzau, Aminin Buhari ko na El'rufa'i?

Yanzu dai komai ya karkata zuwa Zariya domin can ne ake ta daka lissafe lissafen ko wa ye zai zama sabon sarkin Zazzau.


Zuwa yanzu dai akwai alamar cewa Yeriman Zazzau Mannir Jaafaru wanda makusancin shugaban kasa, Muhammadu Buhari ne na daga cikin wadanda ake ganin tabbas akwai yiwuwar ya zama sabon sarkin Zazzau.


Mannir Jaafaru ɗan tsohon sarki Jaafaru Ɗan Isyaku ne wanda bayan ya rasu Sarki Aminu ya ɗare kujerar sarautar Zazzau ɗin, wato dai bai gaji mahaifin sa ba.


A tsawon rayuwar sa Mannir ya fito ya nuna karara sarautar ce kawai a gaban sa, ya riƙa yi mata hidima ya na kai kansa ga ita sarautar ba da wasa ba.


Wasu na ganin kusantar sa da shugaban kasa Muhammadu Buhari zai sa ya cimma burin sa na zama sarkin Zazzau. Sannan kuma sarakunan Arewa da dama shi suke so ayi wa sarkin na Zazzau.


Magajin Gari Ahmed Bamalli


Magajin Gari Ahmed Bamalli, Ɗan marigayi magajin garin Zazzau Nuhu Bamalli ne.


Ahmed Bamalli na daga cikin wadanda ake ganin ko shi ne dai ko Yerima Mannir za a nada sabon sarki.


Wasu abubuwa da za su yi wa magajin gari Ahmed Bamalli tasiri a wannan lokaci shine kusantar sa da Gwamnan Kaduna, Nasir El-Rufai.


Da farko dai Ambassada Bamalli ɗan uwa ne ga gwamnan jihar Kaduna, Nasir El-Rufai. Baya ga haka kuma akwai zumunta na jini a tsakanin su.


Ahmed Bamalli na da gogewa a harkar aikin gwamnati, natsuwa ga shi kuma basarake.


Sannan kuma shine kadai daga cikin neman darewa kujerar sarautar Zazzau da mahaifinsa bai yi sarautar Zazzau ba.


Duka sauran ƴaƴan sarakunan dake nema wannan kujera iyayen su sun yi sarautar Zazzau.


Gwamnati


Gwamnatin jihar Kaduna bata ce komai ba game da wannan dambarwar sarauta da ya kanannade ƴaƴan sarakunan Zazzau ba, sai dai wani jami’in gwamnati da ya ne mi a sakaye sunan sa ya bayyana wa PREMIUM TIMES cewa har yanzu ba a kawo sunayen wadanda masu zaben sarki suka zaba fadar gwamnatin jihar ba.


Sai dai kuma ya ce gwamnati zata nada wanda ya fi dacewa ne kuma kila wanda ma ba a yi zaton shine za a nada ba.


Baya ga su akwai Iya Bashar Aminu, wanda shima yana neman sarautar, Sa dai an fi yi masa ganin nasara idan da a tsohuwar gwamnatin da ta wuce ne.


Shima mahaifinsa ya yi sarautar Zazzau.


Daya daga cikin ƴaƴan sarkin mai rasuwa, marigayi Shehu Idrisu, Aminu Idris, shima yana muradun yaga ya gaji mahaifinsa.


Yanzu dai komai ya rage wanda gwamnan Kaduna ya kwanta masa a rai, wanda zai kare masa muradin sa da ci gaban gwamnatin sa, Zazzau da Kasa baki daya.


Comments

Post a Comment

Popular posts from this blog

JIRGIN RUWAN ANNABI NUHU DA AMURIKA TA KERA A SHEKARAR 2018

Image
Amurka 'ta kera jirgin Annabi Nuhu' 2 Nuwamba 2018 Wanda aka sabunta 8 Nuwamba 2018 An sabunta labarin bayan da aka fara wallafa shi ranar 20 ga watan Yulin 2016. ASALIN HOTON, GETTY IMAGES Bayanan hoto, An kashe Dala miliyan 100 wajen gina jirgin Ma'aikatar kirkire-kirkire ta jihar Kentucky ta Amurka, ta kashe tsabar kudi har Dala miliyan 100 wajen gina wani jirgin ruwa kwatankwacin kwamin Annabi Nuhu, bisa dogaro da yadda aka siffanta shi a littafin Injila. Kelly Grovier ya yi nazari kan hakan. Shin da me kake neman tsira a wannan duniyar? Addini? Ko Iyalinka? Ko kuma harkar wasanni? Wasu hotuna da suka rinka kai-komo a kafafen yada labarai da na shafukan sada zumunta, a 'yan kwanakin nan dangane da wani jirgin ruwa da aka gina, sun haddasa wata mahawara a tsakanin mutane a arewacin jihar Kentucky, abin da kuma ya yi nuni da irin yadda al'umma ke neman kariya daga wasu bakin al'adu da ba sa so. Hotunan katafaren jirgin da aka gina domin kwaikwayon kwamin Annab...
Read more

𝐍𝐈𝐆𝐄𝐑𝐈𝐀 @60:𝐌𝐔𝐋𝐊𝐈𝐍 𝐒𝐎𝐉𝐀 𝐌𝐀𝐒𝐔 𝐇𝐀𝐋𝐈𝐍 𝐓𝐒𝐈𝐘𝐀 𝐃𝐀 𝐍𝐀 𝐊𝐈𝐑𝐊𝐈

Image
  BBC News , Hausa Tsallaka zuwa abubuwan da ke ciki Sassa Labaran Duniya Wasanni Nishadi Cikakkun Rahotanni Bidiyo Shirye-shirye na Musamman Shirye-shiryen rediyo Nigeria @60: 'Mulkin soja, masu halin tsiya da na kirki' Mintuna 29 da suka wuce Daga Mahmud Jega, mai sharhi kan al'amura a Najeriya ASALIN HOTON, GETTY IMAGES Bayanan hoto, Janar Yakubu Gowon ya mulki Najeriya daga shekarar 1966 zuwa 1975 Ƴan Najeriyar da ke ƙasa da shekaru 30, waɗanda kuma su ne suka fi yawa yanzu a cikin al'umma -- ba su san mene ne mulkin soja ba. A yanzu Najeriya na cikin shekararta ta 21 na ɗorarren mulkin dimokraɗiyya ba tare da sauyi ba, wanda shi ne mafi tsayi da aka taɓa gani tun bayan samun ƴancin kan ƙasar. Jamhuriyya ta farko, wacce Sir Abubakar Tafawa Balewa ya yi mulki a matsayin Fira Minista sannan Dr. Nnamdi Azikiwe ya kasance shugaban ƙasar, ba ta yi nisan kwana ba, shekara biyar kawai ta ɗauka, daga watan Oktoban 1960 zuwa Oktoban 1966. Ko da kuwa mun fara lissafi ne daga...
Read more

𝙔𝙖𝙣𝙙𝙖 𝙢𝙖𝙯𝙖𝙣𝙗𝙖𝙩𝙖 𝙠𝙚 𝙩𝙨𝙞𝙣𝙩𝙖𝙧 𝙠𝙬𝙖𝙧𝙤𝙧𝙤𝙣 𝙧𝙤𝙗𝙖 𝙨𝙪𝙣𝙖 𝙨𝙖𝙮𝙚𝙧𝙬𝙖 𝙟𝙖𝙢𝙖 𝙖

Image
    An kama tsoffin kwaroron roba 320,000 da ake mayar wa sabbi Reuters Copyright: Reuters Ana wanke kwaroron ne a gyara sannan a sake mayar da su kamar sabbi a sayar. Image caption: Ana wanke kwaroron ne a gyara sannan a sake mayar da su kamar sabbi a sayar. Ƴan sanda a Vietnam sun ce sun kama kwaroron roba sama da 320,000 da aka yi amfani da su kuma ake sayar wa ba bisa ka’ida ba ga masu buƙata. An nuna hotunan kwaroron da dama da nauyinsu ya kai 360kg a wani babban wurin ajiye kaya wanda a kwanan baya aka kai wa samame a kudancin lardin Binh Doung. An kama matar da ake tunanin ita ke da wurin ajiye kayan. Rahotanni sun ce ana wanke kwaroron ne a gyara sannan a sake mayar da su kamar sabbi a sayar. Matar ta ce akwai kuɗi da ake biyanta kan ko wane kwaroron roba. Babu dai tabbaci kan yawan waɗanda aka sayar a kasuwa. 
Read more