'𝐘𝐚𝐧 𝐬𝐚𝐧𝐝𝐚 𝐬𝐮𝐧 𝐡𝐚𝐫𝐛𝐞 𝐦𝐚𝐢 𝐳𝐚𝐧𝐠𝐚 𝐳𝐚𝐧𝐠𝐚 𝐡𝐚𝐫 𝐥𝐚𝐡𝐢𝐫𝐚 𝐚 𝐣𝐢𝐡𝐚𝐫 𝐤𝐚𝐭𝐬𝐢𝐧𝐚.

 Kashe-kashe: Ana zargin ‘Yan Sanda da kashe mai zanga-zanga a Jihar Katsina.

𝑫𝒐𝒎𝒊𝒏 𝑨𝒊𝒌𝒐𝒎𝒂𝒏𝒂 𝒅𝒂 𝒍𝒂𝒃𝒂𝒓𝒖 𝒏𝒂 𝒈𝒂𝒔𝒌𝒊𝒚𝒂 𝒅𝒂𝒈𝒂 𝒚𝒂𝒏𝒌𝒖𝒏𝒂𝒏 𝒌𝒖 𝒔𝒂𝒊 𝒂 𝒕𝒖𝒏𝒕𝒖𝒃𝒆𝒎𝒖 𝒕𝒂

Mutanen Garin Jibiya sun fita zanga-zanga a kan kashe-kashen da ake ta yi.

 Mazauna garin sun ce an yi kwana da kwanaki ana kai masu hari a Katsina - Tun ba yau ba, ana ta fama da matsalar rashin tsaro a Jihar Shugaban kasar An rasa mutum daya daga cikin mazauna garin Jibiya da su ka shirya zanga-zangar

 a sanadiyyar matsalar rashin tsaro da ke addabar yankin na jihar Katsina. 

Jaridar Daily Trust ta fitar da rahoto a jiya cewa al’ummar Jibiya sun yi zanga-zanga domin nuna rashin jin dadin abin da ke faruwa na yawaitar kashe-kashe. 

Wajen wannan zanga-zanga, an harbe wani mutumi, wanda hakan ya yi sanadiyyar mutuwarsa. 

Rahotanni sun ce, jami'an tsaro sun kama mutane akalla 43 a jiyan Ana zargin dakarun ‘yan sandan Najeriya da aka tura su lafar da wannan zanga-zanga ne su ka harbi wannan Bawan Allah a ranar Litinin, 28 ga Satumba, 2020. 

‘Danuwan marigayin wanda ya bayyana sunansa da Abdulhadi, ya yi magana da ‘yan jarida yayin da ya ke kuka, ya ce ‘yan sanda sun kashe masa ‘dan'uwa. “Kanina ne, an kashe shi.” Inji Abdulhadi. 

Wani mutumi da ya fito daga kauyen Daddara, mai suna Falalu Abba, ya bayyana cewa dole ta sa talakawan yankin su ka fita zanga-zanga domin nuna bacin ransu. "A ranar Lahadi, kwana 39 kenan a jere, kullum sai an kai hari. Idan aka kira jami’an tsaro, sai su ki zuwa mutane sun gaji don haka su ka fito zanga zangar lumana don nunawa duniya halin da suke ciki"