HRtv Network

 ILLAR SHAN PARACETAMOL BA BISA UMARNIN LIKITA BA Daga Ibrahim Y. Yusuf PARACETAMOL Wannan shahararren magani ne akasar mu wanda manya da yara, maza da mata, tsoffi da dattawa kowa yasan shi, kuma kowa yasan sunan. Kai intakaice muku ma duk chemist din da aka rasa wannan maganin toh ba chemist bane. Maganin yayi popular ba wanda bai bude ido dashi ba; sannan magani ne cikin rukunin OTC wato wadanda basa bukatar sahalewa ko ganin rubutun likita wato (prescription sheet) kafin abaiwa mutum shi. Ba irin Antibiotics, Anti hypertensive, antimalarial, anti motility ko anti histamine bane dake bukatar rubutun likita. Paracetamol akowacce irin kasa aduniya mutum na iya zuwa pharmacy stores asayar masa. Mutanen mu na amfani dashi wajen maganin ciwon jiki, ciwon kai, zazza6i, da kasala. TOH SAI DE MENENE AIKIN MAGANIN A ZAHIRANCE Paracetamol magani ne daga dangin ANALGESICS wato magani me rage zugi ko radadin ciwo. Aikinsa kenan karka dad'a karka rage. TOH AMMA YA MUTANEN MU KE AMFANI DASHI ...

 HUKUNCIN KISA DA ALKALIN KOTUN SHARI'AR MUSULINCI DA KE KANO YA YANKE MA WANI MATASHI SHARIF AMINU- Wace dama ta rage masa yanzu kafin wa'adin wata ɗaya.  Bayan da babbar Kotun Shari'ar Musulunci ta yanke wa mawakin nan Aminu Yahaya Sharif hukuncin kisa kan laifin aikata sabo na zagin Manzon Allah SAW, mutane da dama za su so su san mene ne abu na gaba kan zartar da wannan hukunci. A cewar alkalin da ya yanke hukuncin Mai Shari'a Aliyu Mohammed Kani, mawaƙin yana da kwana 30 don daukaka kara. Me zai faru a Kotun Ɗaukaka Ƙarar? Barista Musa Salihu lauya ne a Abuja babban birnin kasar, ya ce abin da zai faru idan an je Kotun Daukaka Kara shi ne za a yi amfani da dokokin Najeriya ne ba na Shari'ar Musulunci ba. Ya ce: ''Idan Yahaya ya yanke shawarar daukaka kara, to zai samu sauki inda ba za a yi masa hukunci da Shari'ar Musulunci ba sai na dokokin Najeriya wadanda za su iya sauya hukuncin da Kotun Shari'a ta yanke masa.''  Wacce dama ta rage w...

 ALLAH WADARAN NAKA YA LALACE! Bayan fashewar da ta faru a Labanon, shin Amurka ta sauya matsayinta ne kan Labanon, daga matsin lamba zuwa ga 'taimako'? Toh alamu dai suna nuni da hakan. Babban dalili kuwa shi ne ziyarar da babban sakataren kungiyar kasashen larabawa Nabil al-Arabi ya kai kasar Labanon, bayan tsawon lokaci na fita sha'anin kasar, da kuma maganganu kan 'ba ta taimako don farfado da kasar' etc da yayi. Abin da ya sa na ce haka shi ne kuwa babu wani abin da za ka ga wadannan larabawan suna yinsa, mai kyau ne ko mara kyau, face sai da amincewar Amurka, kasar Siriya ta ishe mu misali. Don haka tun da na ga kungiyar kasashen larabawan ta shigo, to na san akwai "green light" daga Trump, wanda a halin yanzu ya ke neman duk wani abin da zai samar masa da komai kashin nasara  don ya yi amfani da shi wajen zabe, shi ya sa ma a halin yanzu Trump ya fara magana kan cimma yarjejeniya da Iran da Koriya ta arewa, kar ka sha mamaki ka ga wadannan kasashen ...

FASHEWAR SINADARAI A LABANON...KO TARIHI NA SHIRIN MAIMATA KANSA NE? A halin yanzu dai dukkanin idanuwa sun koma ƙasar Labanon sakamakon fashewar da ta faru a tashar bakin ruwa ta Beirut, babban birnin ƙasar, wacce ta yi sanadiyyar mutuwa da raunana daruruwan mutane. A daidai lokacin da ƙasashen duniya suke ta nuna alhininsu kan wannan lamari da kuma aikewa ko kuma alƙawarin aikewa da kayayyakin agaji, gwamnatin ƙasar dai ta ce tana ci gaba da gudanar da bincike don gano musabbabin faruwar hakan da kuma alƙawarin hukunta duk waɗanda suke da hannu ciki, haka nan ƙungiyoyi daban-daban na ƙasar suna ci gaba da Allah wadai da faruwar hakan duk da cewa wasu kuma tamkar wata dama ce ta samu don cimma tsohuwar ‘baƙar’ aniyarsu a kan ƙasar. Tambayar da dai take yawo a halin yanzu ita ce shin ko tarihi ne ya ke ƙoƙarin maimaita kansa a Labanon ɗin? Shin waye zai amfana da wannan fashewar? Idan dai ana iya tunawa shekaru 15 da suka gabata ƙasar Labanon ɗin ta shiga shigen irin wannan yanayin, sa...

Nasir Isa Ali - Jamshid Sharmahd (Dan CIA) Ya bar jihar California inda yake zaune, kuma daga nan yake jagorantar kungiyarsa ta 'Thunder' zuwa Dubai domin haduwa da abokan kasuwancinsa. Daga nan bamu kara jin duriyar wayarsa ba,sai daga baya. Amma bayanan farko sun nuna cewar,an bibiyi wayar tasa ta hanyar wani tauraron dan adam,sai aka gano cewar,daga Dubai aka tsallaka da shi zuwa kasar Oman,kana aka bi ta hanyar ruwa zuwa Iran da shi. - Mu mun san cewar Sharmahd ya tsara cewar,daga Dubai zai wuce zuwa kasar India ne domin yin cininkin kayayyakin kamfaninsa na komfuta. Lokacin da aka fada mana cewar an shigar da shi cikin wata mota mai duhu kuma an tsallaka da shi zuwa Oman sai hankalin mu ya tashi sosai. Sai daga baya muka gan shi an daure masa fuska da bakin kyalle ana nuna shi kan talbijin din Iran cewar 'jami'an leken asirin Iran sun yi Ram da shi. - Lallai baban namu ya bugo mana waya daga wani hotel dake cikin filin saukar jiragen sama na Dubai,kana yace mana ya...

Abin lura game da yaki da cutar Corona Virus Daga Abdulmumin Giwa Da farko zan ba da hakurin yin rubutun da ingausa. Problem din shine babu test kits da za a gwada mutane a kare rayuwarsu. Na ji an ce an samu gwada kimani mutane 700 kacal a Nigeria daga cikin mutane miliyan 200. Akwai tsarin kiwon lafiya da ake cewa Preventive Healthcare sannan kuma akwai Curative healthcare. Shi Preventive Healthcare aikin lafiya ne na kariya daga kamuwa da ga cuta. Za a kareka daga kamuwa da shi ta hanyoyin aikin lafiya daban daban. In an lura za a ga cewa gwamnati ba ta komai a wannan sashi game da wannan annoba ta Corona Virus. Kamata ya yi ana gwada mutane ana kebe wadanda aka samu don warkar dasu kafin ya tumbatsa. Kuma kamata ya yi a rika feshi a wuraren jama'a kamar kasuwanni, wuraren ibada, malls, unguwanni da sauransu. Amma ba a komai ta wannan fannin. A daya hannun kuma, shi Curative Healthcare tsarin lafiya ne ba warkar da wanda ya kamu da cuta. Wannan bangaren shine gwamnati ...

Nasir Isa Ali Mazauna birnin Riyadh sun shiga zaman zullumi bayan sun ji kara da rugugin fashewar wani abun fashewa. - Bayan rundunar tsaron birnin Riyadh ta bayyana cewar,ta samu sa'ar kado wani makami mai linzami wanda yan Huthy suka harbo kan birnin a cikin daren lahadi,sai ga wata kara da rugugi ya afku kan birnin na Riyadh. Gidan TV din Al-Arabiyya ya bayyana cewar, rundunar tsaron Samaniyar Saudiya sun karkado wasu makamai biyu wanda aka harbo daga Yemen zuwa kan Riyadh da Jizan. Haka zalika tashar El-Akhbariyya ta bayyana cewar, rundunar tsaron Saudiya sun kado wani makami mai cin nisan zango (Ballistic-Missile) a sararin samaniyar birnin Riyadh. - Amma kamfanin dillancin labaran AFP ya bayyana cewar,wakilansa sun jiyo wasu karar farfashewa da rugugi mai karfi a birnin na Riyadh. Su ma kansu mazauna birnin na Riyadh sun bayyana cewar sun jiyo kara da fashewar wasu abubuwa,tare da jin rugugi,daga baya kuma suka jiyo jiniya ! Alamar kowa ya zauna a inda yake. - Har yan...

COVID-19: KARFIN MULKIN ALLAH YA KARA BAYYANA A ZAHIRI... A yanzu kasa mafi karfin soja a Duniya, tare da karfin tattalin arziki, wacce take ganin kamar ta gagari komai da kowa, ta zama abar tausayi, ta rikice tana ta neman tallafi daga ko ina sakamakon annoba guda daya kacal data ziyarcesu, Yau dukkan manya manyan Hotels dake Las Vegas sun kasance a kulle, guraren Chacha dake les Vegas suna kulle, layukan dake kasar Amsterdam inda ake gudanar da karuwanci mafi tsada a duniya duk an rufesu, duk da makudan kudaden da ake samu har sama da 10 Billion Dollars a shekara, an wayi gari a duniya kowacce kasa ta rufe Night Clubs da guraren shan giya tare da guraren da ake taruwa domin aikata masha'a lallai Allah da karfi yake... Da karfin ikon Allah yau kusan dukkan jiragen sama suna kasa a ajiye, an dena amfani dasu sakamakon tsoron annobar Coronavirus, shi kansa Shugaba Trump na amurka da bakinsa yake bayyana cewa kasarsa zata dakatar da karbar kudin ruwa don a samu sauki a halin da...

Hanyoyin Riga-Kafin Kamuwa Da Cutar Koronabairus Daga Dakta Shu’aibu Musa Cutar Koronabairus wani nau’in cuta ne da kwayoyin cuta da bairus ke kawowa dangin kwayoyin cuta da ke janyo cutar mura ko mashako da wasu cututtuka masu tsanani. COVID-19 shi ne sunan da aka sa wa sabuwar kwayar cutar da ke janyo cutar Korona da ta zama annoba. A yanzu tana neman ta mamaye duniya. An fara gano wannan kwayar cutar ne a 2019 a yankin Wuhan na kasar Sin (China). Cutar Korona, cututtuka ne da ake dauka daga dabbobi. A can baya an yi wasu nau’o’in cututuka da Korona bairus ke kawowa, kamar cutar murar tsuntsaye da ake dauka daga tsuntsaye da cutar haukan shanu da sauransu. Akwai ma cututtuka da dama da Korona bairus ke kawowa da ke shafar dabbobi ne kawai, amma ba su riga sun fara shafar mutane ba. Manyan alamomin wannan ciwon Korona din sun hada da:- Zazzabi da tari da numfashi sama-sama, ko daukewar numfashi. In cutar ta tsananta, takan zamanto tamkar ciwon ‘pneumonia’ (nimoniya), ko ciwon ...

Tsige Sarkin Kano: "Da Buhari Yayi Amfani Da Rahotonmu da Ba A Tsige Sarki Sunusi ba" -Gen. Abdussalamu Abubakar. Tsohon shugaban Kasa kuma shugaban kwamitin sasanta tsohon Sarkin Kano Sanusi da Gwamnan Jihar Kano Abdullahi Ganduje, Abdussalami Abubakar ya bayyana cewa lallai da a ce Buhari ya duba shawarwarin da suka bada a rahoton su da yana ganin ba zai kai ga tsige sarki Sanusi ba. Abdussalami Abubakar ya yi wannan bayani ne a lokacin da yake amsa tambayoyi a hira da yayi da muryar Amurka. "Babban abin da ya bani mamaki shine yadda abin ya kai ga har an tsige sarki Sanusi. "Lallai mun zauna da Sarki Sanusi daban kuma mun ji daga garesa,sannan mun zauna da Gwamna Abdullahi Ganduje,shi ma mun tattauna da shi matuka.Bayan haka mun bar su tare sun zauna sun tattauna kafin nan muka rubuta sakamakon ganawar mu da su. "Abin da muka ji sannan muka gani, ban yi tunanin har zai kai ga wannan matsayi da mukashiga yanzu ba. Bayan mun Kammala zaman mu da su, m...

An Bayyana Dalilan Da Yasa Manyan Jami'an Gwamnatin Kasar Iran Ke Kamuwa Da Cutar CoronVirus. Daraktar kungiyar lafiya ta duniya (WHO) a gabashin duniya Dr.Rechard Brennan ya bayyana dalilan da yasa manyan Jami'an gwamnatin Kasar Iran ke kamuwa da cutar shake makoshi na Korona Bairus(COVID-19. Daraktan ya bayyana hakan ne a birnin Tehran a lokacin da ya ziyarci Iran,kana ya ziyarci inda ake killace da masu cutar domin ya gane wa idonsa yadda ake kula da lafiyarsu. inda ya yi kira ga kasashen duniya da su yi koyi da kasar ta Iran wajen yakar cutar wannan cuta ta Korona. Dr.Rechard ya kuma bayyana cewar,Iran ta ciri tuta wajen yin yaki da wannan cutar, sannan yayi kira ga kasashen yankin da duniya baki daya da su yi koyi da Iran wajen yakar wannan cutar. Ya kara da cewar,Iran tana da ingantattun kayan aiki na zamani masu kyawun gaske,kuma a yankin Asiya kakaf bai ga kayan aiki irin na Iran din ba. Yace kungiyarsa ta WHO ta bada sharuddan yakar wannan cutar,kuma Iran ...

Rikici A Saudiyya: Ana Zargin Yarima Muhammad Bin Salma da Kame-Kamen 'Yaya Da Jikokin Manya A Masarautar Saudiyya. Rikici tsakanin 'yaya da jikokin Ahli Sa'ud yana ta kara kamari a masarautar a 'yan kwanakin nan inda Rundunar kare masarautar Saudiyar ta kara cafke wasu 'yayan gidan su Uku ciki kuwa har da wasu manyan yarimomi biyu. Rahotannin da ke fitowa daga masarautar na tabbatar da cewar,da sanyin safiyar yau Asabar ne aka cafke Yarima Ahmad bin Abdulazee shakikin sarkin Saudiya na yanzu (Salman bin Abdulazeez) da kuma yarima Muhammad bin Nayef kamar yadda mujallar "Wall Street Journal" ta ruwaito. Ana kyautata zaton cewar,ayyanannen yariman Saudiya Muhammad bin Salman da mahaifinsa suna da hannu dumu-dumu wajen wannan kitimurmura ta Kamesu. Jaridar "The New York Times" ta habarto labarin kuma ta kara da cewar,ita ma ta samu rahoton cewar,an kama dan uwan yarima Nayif wato Nawaf bin Nayef. Ya kawowa yanzu dai, hukumomi a masaraut...

Bayan fitar a rahoton kungiyar lafiya ta duniya (WHO) kan Iran,abokan aikin ministan harkokin kasashen wajen Iran,Muhammad Jawad Zarif sun yi ta bugo masa waya domin neman hadin kan Iran kan yakar cutar Corona bairus,tare da jinjina wa Iran din. Da farko ministan harkokin wajen kasar Norway Mr.Marie Eriksen Sorede ne ya bugo waya, yana mai tunatar da Zarif din game da yarjejeniya Oslo wanda Iran da kasar suka sanya wa hannu cewar za su hada kai wajen taimakawa junansu kan lamurra daban-daban,ciki kuwa har da sha'anin kiwon lafiya. Daga nan kuma sai na kasar Switzerland Mr,Ignazio Cassis ya bugo waya yana mai tambayar halin da ake ciki a Iran din game da cutar ta Corona. Sannan suka tattauna yadda sauran kasashen duniya ke ciki game da cutar,da kuma matakan ci gaban da ita Iran din ta samu wajen yakar cutar. Daga nan kuma ministan harkokin wajen kasar Austria Mr.Alexander Schallenberg ya bugo waya yana taya Iran murnan samun cigaba wajen yakar wannan cutar,tare da kira ga Ir...

"Komawa Zuwa ga Allah Shi ne Maganin Fitinun Ƙasar Nijeriya" – Sheikh Bala Lau. Shugaban ƙungiyar IZALA na tarayyar Nijeriya, Ash-Sheikh Dr Imam Abdullahi Bala Lau ya bayyana cewa komawa ga Allah Maɗaukakin Sarki ne maganin fitintinu da suka addabi ƙasar Nijeriya. Sheik Bala Lau ya bayyana hakan ne a yayin da yake zantawa da 'yan jarida a gidan sa dake Yola. Bala Lau yace a duk lokacin da annoba, ko bala'i ya samu mutum, to abu na farko shine ya komawa Allah. Yace dole ne sai mutane sun fahimci cewa babu mutum da zai iya yaye fitina ko bala'i idan ya taso wa al' umma face Allah. "Idan ka dauki kasar nan tun daga zamanin su Sardauna, wadanda suka san tarihi sun san irin matsaloli da su sardauna suka fiskanta duk da ƙoƙarin su da adalcin su mutane a wancan lokacin suna gani tamkar sun kasa, wanda hakan ne ya haifar da rayuwar su ta tafi ta wannan hanya "Saboda haka, kowani zamani da irin jarrabawa da mutane suke fiskanta, daga zamanin '...

Wani kwafa ya yi wa 'yar Karamar Sakandare JSS 1 fyade a  Katsina. Wani matashi mai yi wa kasa hidima a Katsina, ya yi wa wata yarinya 'yar karama da ke aji daya na karamar sakandare wato JSS 1 fyade. A ta bakin mai magana da yawun rundunar 'yan sandan jihar Katsina SP Gambo Isah, ya ce dalibar 'yar makarantar da kwafan ke yin hidimar kasarsa ne a ciki. A yanzun haka matashin da aka boye sunansa, na can garkame a caji ofis din 'yan sanda na Sabon-Garin, inda ake ci gaba da gudanar da bincike. Sai dai a bangaren mai magana da yawun hukumar matasa masu yi wa kasa hidima na jihar Katsina, Alex Oboaemeta, ya musanta zargin da ake yi wa memban nasu. inda ya ce ana jiran sakamakon binkice a kan fyaden. An dai ruwaito cewa yarinyar ta je dakin mai yi wa kasa hidimar ne da ke cikin makarantar, inda a nan ne ya lalata mata rayuwa. Ko mi albarkacin bakinku zai fadi akan haka?

Alkawalin Cewa Ba Zai Yi Wa Amaryarsa Kishiya Ba,Ya Ja Masa Tagomashin Yafe Sadakin Aurensa Daga Matar Da Zai Aura. Wata amarya Ta Yafe Wa Ango Sadakinta, bayan angon ya yi alkawarin ba zai yi mata kishiya ba har su kwanta daka. Wata mata mai suna Aishat Busari ta wallafo cewa, wata amarya ta ce ta yafe sadakin aurenta ga angonta,amma sai dai ta ce angon ya yi mata alkawari a bainar jama’a cewa ba zai yi mata kishiya ba.  Wannan dai ya faru a Offa, jihar Kwara, inda amaryar mai suna Fatima Babawale ta ce ta yafe sadakinta a daurin aurenta da aka yi ranar 15 ga watan Fabrairun 2020. A musulunce sadaki na daya daga cikin sharuddan aure, amma ya danganta da yarjejeniyar ango da amarya a kan abin da za a bayar a matsayin sadakin auren. Yadda abin ya faru shi ne; a lokacin daurin auren Muhammad Adebayo da Fatima Babawale, ranar Asabar 15 ga watan Fabrairu, 2020, Alfa ya bukaci Muhammad ya fito ya biya sadaki, sannan kuma ya tambayeshi wane irin sadaki zai bayar, Muhammad na sh...

Hezbolla Da Isra'ila: 'Hezbolla na shirin tsayar da Alkiyamar Israila' -Dattawan Yahudawa Sun gargadi Netanyahu. Wasu dattawan Yahudawa,Sojoji da 'yan Siyasa,sun bayyana cewa Hezbollah fa na shirin tsayar da Alkiyamar Isra'ila muddin Netanyahu ya takulo yaki da Hezbollah. Yahudawan su bayyana wa kafofin sadarwar Israila cewar,duk wani yaki da Hezbollah a nan gaba to zai zamo tamkar tashin alkiyama ne ga Isra'ila. Da farko, tsohon Firayemiyar Israila Mr.Ehud Barak ya bayyana cewar,Hezbollah ta mallaki makami mai linzami mai cin dogon zango,wanda kuma ake iya sarrafa shi da na'ura daga nesa 'Precision-Guided Missile (PGM). Mr.Ehud Barak ya bayyana cewar,akwai wurare muhimman gaske wanda Hezbollah za su hara idan yaki ya barke tsakaninsu da Israila. Ya ce za su hari a gine-ginen gwamnati da wasu muhimman wurare kamar ma'aikatar tsaron Israila. Ya bayyana cewar,hatta ofishin Firayeministan Israila da ginin majalisar kasar (Knesset) ba fa za s...

Bermuda Triangle: Shu'umin wuri mai hatsarin gaske da yake a cikin teku. 'Yan magana na cewa; "Rijiya gaba dubu,kin ci dubu sai ceto." To shi wannan wajen na Bermuda Triangle shu'umin wuri ne da yake a cikin Tekun Atalantika, wanda za a iya kiransa da cewa ya ci Miliyan dubu sau dubu sai ceto,duba da Karin maganar can ta 'yan magana. Wuri ne mai Siffar fili kusurwa Uku,mai Fadin murabbu'ai dubu goma a cikin Teku. Wurin yana shata wani ramin ruwa kamar bakin Rijiya. Wurin yana fizgo duk wani abu idan yai kuskuren gittawa ta daidai wajen;daga kasa ne,ko daga Sama. Wajen akwai karfin Maganadisu mai tsananin Karfin gaske wanda yake fizgowa da jawowar kowane abu kamar Kifi, Jirgin ruwa, jirgin Sama, Na'ura, koma dai menene muddin ya gitta ta wajen. Ruwan wannan waje ya kan tashi yayi tsiriri zuwa sama kuma duk abin     da ya gitta ta wajen to fa shi tashi ta kare kenan har abada. Tun a shekarun 1900 aka gano shu'umcin wannan waje wanda...

Khadija: Budurwar Da Ta Shirya zaben Fidda Gwanin Da Za Ta Aura A Tsakanin Samarinta. Wani abu kamar al'amara da ya faru a Karamar hukumar Giade ta Jihar Bauchin Tarayyar Najeriya,wata Budurwa ta shirya wa Samarinta biyu Za6en fidda gwani da zummar auren duk wanda ya lashe Za6en.  Budurwar mai suna Khadija tana da samari biyu; Inusa da Ibrahim dukkansu suna neman aurenta ita ma tana sonsu,amma sai dai ta kasa za6en daya Tilo bisa ra'ayinta domin ta aura, sakamakon yadda kwarjininsu ya dabaibayeta har sai da ta kai ga shirya za6en fidda gwani a tsakaninsu,za6en da Jama'ar kowanensu suka gabatar. Bayan samarin sun yi yawon Campaigh(yakin neman za6e) a cikin maza6arsa,sai aka shirya za6e inda magoya bayan kowanensu ya bi layi ya kada Kuri'arsa,za6en wanda Manyan anguwa suka yi alkalancinsa. Bayan tattara sakamakon za6e,an bayyana Inusa a matsayin wanda ya lashe za6en inda abokin hamayyarsa Ibrahim ya sha kaye ya kuma rungumi kaddara. Tuni dai an ba wa Inusa '...

An Yi Bikin Tunawa Da Zagayowar Ranar Yuyin Juya-Hali Karo Na 41 A Kasar Iran. Daga Auwal Isa Musa. Magoya bayan kare Juyin-juya halin kasar Iran a jiya Talata,sun fito kwansu da kwalkwatansu domin jaddada mubayi'arsu ga tsarin da Kasar ke tafiya akanshi na Musulunci. Hakan na zuwa ne a lokacin da Kasar ta Iran ke bikin cika shekaru 41 cur da samun 'yancin kai na Juyin-juya hali daga Mulkin gurguzu zuwa na Musulunci da Malamin Addini Ayatollahi Ruhulla Alkhomaini ya Jagoranta a shekarar 1979. Duk ranar 11 ga Fabrelun kowace shekara dai, Al'ummar Kasar ta Iran na yin fitar farun-dango domin nuna farin cikinsu da yi wa juna barka gami da yin godiya ga Allah akan wannan sauyi da suka samu sama da shekaru 40,inda su kan gudanar da abubuwa daban-daban a matsayin shagulgula. Babban abin da Al'ummar kasar ke yi a wannan rana shi ne Muzaharori(demonstrations) a inda suke tafe suna rera wakokin Murna tare da daga Hotunan Jagoran wannan sauyin wato Ayatollah Alkhomaini,...